【專訪】Dear Jane唔介意未夠民心:唔會特地多做音樂以外嘅事

撰文:
最後更新日期:

成軍16年,Dear Jane終於擁有一個紅館的機會。路途看似遙遠,但對他們來說卻是來得剛剛好。「我哋寧願慢慢走甚至係轉好多個圈先再入紅館,好過突然紅一首歌就開,義意係好唔同,亦因為咁先會有咁多經歷、故事同作品。」事實上,佢哋真係轉了唔少圈,而在轉的過程中,試過出席活動時,只得三個支持者,試過開音樂會,一星期只賣出七張飛……難怪今次演唱會門票開賣前夕,四人忐忑不安,連向公司提議開兩場都唔敢。Howie說:「就好似我吔去內地唔同城市開騷咁,都會諗有無人嚟睇,我覺得keep住呢個心態幾好,可以令你每次都盡力做好,亦永遠都會appreciate嚟睇我哋嘅觀眾。」

 

演啪會海報設計成一封給樂迷的信,好有心思。

演唱會海報如書信一樣,左上角是「Dear Jane,」字樣,而右下角則「Yours Sincerely Live 2019 」Tim說這封信的內容就是Dear Jane的歌曲。「因為我哋嘅歌對唔同樂迷有唔同意思,不時都聽到話三曲部見證一段關係嘅發展,係好開心我咃嘅歌可以融入唔同人嘅生活當中,所以今次我咃真係好sincerely咁送返啲歌俾大家聽。」為了令觀眾帶著歡樂,演唱會不單是Dear Jane純表演,他們更會安排合湊環節,透過亙動增加投入感。問到今次個唱重點,四位男士突然眉飛色舞地表示係「火」,並透露嘗試做到周圍都有火,又叮囑觀眾如果見到燒著嘢的話唔需要擔心,因為一定係舞台效果,為何對火如此著迷呢?「細個睇Metallica一唱就噴火覺得好勁,我哋講咗咁多年,估唔到公司又肯。」除了火之外,Jackel又謂要做到萬馬奔騰的感覺,一個擁有馬戲團元素嘅演唱會,其實都幾精彩。

 

Dear Jane一直認為唔應該為獎而去做歌。「要出自內心嘅音樂,聽眾聽完開心先重要。」今年在叱咤頒獎禮上,獲組合銀獎,金獎是RubberBand、銅獎是Supper Moment。

Dear Jane去年在音樂風格上創新求變,《深化危機》、《寧願當初不相見》都有不錯的反應,更為他們帶來首個叱咤樂壇組合銀獎,開心之餘,他們亦明白頒獎禮的遊戲規則。「好老實講,今年有,出年可能無。呢個獎可以話比我地知,做嘅嘢係係有人喜歡,但係未會比到信心我哋呢?其實一直都有信心去尋找同做我咃嘅音樂,開心在今年大家都肯接受我咃新元素,最正係可以開到唔同嘅門,試更多新嘢。」

「向來都無話一定要開紅館,做音樂只係想更多人認識,做下做下儲到一批樂迷而又坐得晒呢個地方係開心。」(梁碧玲攝)

除了電台頒獎禮外,Dear Jane由網民發起的「LIHKG 廣東歌頒獎禮2018」獲組合銅獎,之不過,票數與獲金獎的Rubber Band差距甚遠,問他們會否覺得未夠深入民心。Howie認為Dear Jane本身頗為另類,甚難得民心。「如果你問我哋想要最喜歡組合獎(民選)定至尊歌曲大獎(以播放率計算),我哋會揀至尊歌曲,我哋好難去做啲令人喜歡嘅事,唯一可以promise係做好音樂,唔會特地去多做音樂以外嘅事,亦可能係咁網民未咁認識同喜歡我咃。」至於Tim,他認為這類投票並非不可信,但由於沒有明確的監察,所以開心下就算。「有啲歌手好多followers,但佢哋都開唔到騷啦,拎到咩咩獎嘅歌手,佢哋嘅歌又reach到幾多人呢?觀塘band房後巷有人寫哪裡只得我共你,我咃已經好夠,所以呢個唔係關於人哋比你嘅評分,而係你能給予什麼。」

 

Hair:Jamie Lee@HAiR

Make Up:German Cheung

Venue:香港九龍貝爾特酒店

+8
+7
+6

【周五心意運動】您捐一封$50利是,已可為基層送上溫飽,01心意呼籲您支持【新福事工協會】 ,每$50就有1個基層家庭獲3日短期食物援助https://heart.hk01.com/zh/project/10014



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。