邱淑貞17歲大女沈月早前為爸爸沈嘉偉旗下品牌，在英國倫敦的時裝周擔任模特兒，年僅17歲嘅沈月盡得媽媽最強基因，一舉手一投足都星味十足，瞬即成為新一任「最索星二代」。

而沈月嘅14歲細妹沈日，日前喺IG上載去睇Art Basel嘅相片，以黑色cropped背心、短裙及波鞋打扮嘅沈日，雖然睇落唔及家姐咁標緻，但蠻腰及長腿就十分搶鏡，唔少網民都留言大讚沈日「pretty」，而佢亦有日日回謝。其中沈日細個時打扮比較男仔頭，而且愛跳跳紮，估唔到長大後少女味愈來愈濃！