【粵講粵㜺鬼】森美為保男神美譽 32度高溫死頂穿長袖外套

撰文:
最後更新日期:

森美今日(17/5)現身將軍澳無綫電視城古裝街,為綜藝節目《粵講粵㜺鬼》進行錄影。今日大熱天時,森美大哥身穿長袖外套拍攝,原來為保男神美譽,可以話輸人都唔可以輸陣:「今日知道要同火水哥(鄧智堅)拍嘢,咁所以一定要型過佢,平時見火水哥嘅造型比較文青啲,為咗要有型啲,就揀件薄少少嘅外套,誰不知一嚟到先知,大熱天時喺呢度拍,真係失咗預算,不過幸好都拍攝得好快。」

森美為展現男神本色,身穿長袖外套亮相節目,在高溫外景下拍攝,全身濕透。(陳順禎攝)

森美孖住有馬國女神之稱的林宣妤,亮相節目《粵講粵㜺鬼》做嘉賓,提到每次拍攝節目,為何總會有美女相伴,森美笑言:「其實成件事都唔關我事嘅,其實呢個環節,火水哥都會搵一個女神,同佢一齊做嘅,因為係最後一集,咁所以佢哋就諗,有一個女神就加多個男神啦,咁所以我就嚟啦,哈哈,咁所以我嚟同火水哥鬥爭女仔囉。」

早前森美在電台節目中,播放許志安歌曲,被網民圍插。他表示日後在選取歌曲播放時,都不會刻意避忌,會以音樂選取方向行先。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。