闊別歌壇20年再踏舞台 黎明詩9月伊館開騷：即刻後生返
撰文：吳子生
出版：更新：
黎明詩今日（6/6）出席在中環舉行的《我們的主打歌演唱會》發布會，大會公布將在今年9月於灣仔伊利沙伯體育館連開兩場演唱會。黎明詩興奮表示：「真係好期待呢日來臨，能夠同大家一齊聚埋搞今次呢個演唱會，令我諗返起二十幾年前，大家都仲係好後生，仲要係啱啱出道嘅時候，但宜家重聚返，又會有返個陣時嘅感覺，即刻後生返好多咁，哈哈！」
黎明詩表示平時忙於打理餐飲業務，閒時都會行山做運動，保持身心健康。（陳順禎攝）
黎明詩自98年婚後做人妻後，便退出娛樂圈做家庭主婦，雖然多年未曾參演電影電視拍攝工作，但她依然對演藝業仍有一份情意結：「如果有啱嘅角色我都有興趣，不過其實我對歌舞劇及舞台劇，凡關於音樂嘅嘢，我都會有特別興趣。」
黎明詩今日現身出席《我們的主打歌演唱會》發布會。（陳順禎攝）