莊家彬入紙娶內地女友程新惠　拍拖4年修成正果

家族坐擁80億身家嘅38歲莊士集團太子爺莊家彬，自15年與傅明憲結束9年嘅姐弟戀後，隨即搭上國產女友程新惠（Grace），雖然有傳富爸爸莊紹綏對於呢位女友唔多滿意：無學歷、當莊家彬提款機、影響莊家家聲……但莊家彬同女友似乎已修成正果，並於日前入紙登記結婚，而莊家彬接受訪問時，亦大方接受祝福……城中又少個荀盤啦！

對於呢位33歲嘅程新惠，她在微博上報稱自己係「上海澧延文化藝術交流中心董事」，最廣為人知嘅係佢早年擔任台灣綜藝天王吳宗憲經理人時，二人緋聞一直未停過，直到有指程新惠因不滿吳宗憲與元配張葳葳一直沒有離婚，酒後失控，自殘之餘亦打傷吳宗憲，才結束了這段戀情。其後，當程新惠搭上莊家彬時，有指由於當時莊家彬仍未與傅明憲分手，被指係「小三」嘅程新惠不停獻出飛女計，最終令傅明憲出局。