《開心速遞》惡搞《復仇者聯盟》令網友大呼過癮，雖然特技low tech，但反而有玩味做到效果，其實《開心速遞》開播以來，都不時出現向惡搞電影的影節，宋水輝、大小姐玩《天若有情》，最近歐陽震華同群姐玩《色戒》，不要以為惡搞，抽水好容易，當中有場惡搞戲就要練足半個月先拍得，大家有記唔記得係邊一集同邊個演呢？
這一幕應該會成為《開心速遞》經典，因為印象中無綫星都未試過cosplay 《復仇者聯盟》。 熊家扮《復仇者聯盟》又真係幾攪笑，當中劉丹扮ironman最似，因為有鬚。 歐陽震華亂入《開心速遞》已經是驚喜，想不到更玩多個時空，當中《色戒》最好笑。（開心速遞截圖） 歐陽震華同群姐的兩集戲，更玩埋《梁祝》橋段，二人更四眼交投相當爆笑。（開心速遞截圖） 第514集熊樹仁（單立文飾）因為要出席大小姐（林淑敏飾）攪的化妝舞會，結果扮了魔盜王入面的johnny depp，不只外型，連說話及動靜都跟到足，認真專業。 送水輝（許家傑飾）大小姐（林淑敏飾）經常出現不少惡搞情節，《天若有情》就經常出現。 宋水輝想重演當年華Dee經典一幕，不過最後被大小姐叫停，因為婚紗鋪有開門，入去買就得。 單立文後生時拍過不少電影，自然成日出現在《開心速遞》的惡搞情節，在409集《接龍麻雀王（上）》他就扮返《賭俠》侯賽因，仲講嗰句「想偷我雞？」 第282集《不需要浪漫》，池子孝（阮政峰飾）同《熊心如飾）二人有一場戲向《LaLa Land》致敬，雖然這場戲短短一分鐘，但二人為了這一幕各自排舞了１５日。（開心速遞截圖） 該場戲出街後，網友激讚，但阮政峰事後接受《香港01》訪問，表示不太滿意，因為拍攝時氣温得10度，蘇韻姿冇得打底，所以手腳凍到硬哂。（開心速遞截圖）