Leah Dizon重返日本樂壇 　網民超震撼：十年零變化

曾有宅男女神之稱嘅混血女星Leah Dizon，由於擁有天使面孔同魔鬼身材，所以06年喺在日本出道時引起轟動，除模特兒工作之外，佢亦上過《紅白歌唱大賽》。不過，就喺佢事業如日中天之際，Leah於08年與形象設計師Bun奉子成婚，結果搞到事業同人氣直插谷底。2010年離婚後。Leah淡出娛樂圈，並帶埋囡囡返美國拉斯維加斯定居，期間她更邊湊女邊攻讀心理學。去年她接受雜誌訪問時，曾透露喺美國嘅生活費，大部份都係早年喺日本工作所賺嘅錢，金額約有700萬至1400萬港元。

為咗可以令囡囡有更好嘅生活，完成心理學位嘅Leah近日宣布重返日本樂壇， 上月推出迷你專輯《FOR THE WORLD》，走才女歌手路線。32歲嘅Leah無論係面同身材都絲毫睇唔出歲月嘅痕跡，打扮比以往撲實，氣質亦比過往更濃，令唔少網民感到驚嘆。