落選港姐楊慧敏誓加入娛樂圈 馮盈盈讓路:我同佢冇得鬥

撰文:
最後更新日期:

馮盈盈昨晚(13/8)現身將軍澳電視出席無綫節目《娛樂大家》進行拍攝錄影工作。提到學姐楊慧敏(Mina)未能就晉級港姐最後十強而被淘汰出局,作為學妹的盈盈又有何評價:「自己都有留意賽果,而我認識佢本人係一個好有鬥心嘅人,相信佢唔會因為遇到少少嘅挫折而放棄,都有聽過佢講好有心喺呢行發展,其實都唔使太擔心佢嘅,佢會搵到佢自己嘅路。」

盈盈表示不擔心楊慧敏加入娛圈成一大威脅。(陳志嵐攝)

(怕唔怕佢加入娛圈威脅到你?)盈盈直言:「佢有佢嘅風格,Mina佢走嘅路線係日系可愛調美風,係佢嘅Signature,其實我都扮唔到,唔係其他人都可以模仿得到,咁所以佢有自己嘅獨特路線,就唔會話同我有咩競爭嘅,其實我同佢直頭冇得鬥,我一向對佢好尊敬,話晒佢係我讀書時嘅師姐嚟。」

盈盈大讚Mina擁有美貌與甜美笑容。(陳志嵐攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。