【出路】李雨陽離巢無綫愈撈愈掂 4年拍60套微電影紅到上杭州

撰文:
最後更新日期:

前無綫藝人李雨陽自2012年後,就因不受重用,收入低到「冇錢開飯」而選擇離巢,與TVB結束9年賓主關係,後轉投香港電視至15年約滿。雖然他已鮮少出現在香港電視螢幕上,但原來近年北上發展的他其實是「越撈越掂」,紅到上杭州。

李雨陽表示除演藝事業外,亦忙於打理妻子在觀塘開設的小食店生意。(葉志明攝)

他接《香港01》訪問時自言,由2015年開始已經開始接拍微電影:「早幾年就多嘅,不過大家都知政策上(嘅事),今年就靜返啲。15年到今年都開過工嘅,我諗都不下5,60套(微電影),但唔係套套都主角嘅。(算拍得多?)呢個工作量我唔知算唔多,不過在我來講係OK嘅。做演員嚟講,最緊要都係搵到啖飯食。」

李雨陽表示15年至18年間,自己密密做就已經參與拍攝了5,60套微電影。(葉志明攝)

4年60套作品,豈不是很多人認識?他謙虛的說:「微電影嘅影響力,又未至於係央視播一套電視劇,或者院線出一套電影咁大。不過我做演員都唔係求出名或者上位,我都係當係一個事業或者自己對演技上面嘅要求同進步,所以每一個作品出嚟我都想對得住老闆、導演、對得住自己同埋觀眾。」

在微電影《出路》中,李雨陽飾演跨性別人士(蔡淇俊飾)的哥哥。(葉志明攝)

北上工作時,會否多了觀眾認識?他笑言:「都有試過,不過主要係集中係廣東省。我試過去過杭州都有人認得我,嗰時我係去唱K,佢認得我仲叫得出我個名,然後就唔使我排隊。我都好愕然,冇諗過杭州都有認得我。哈哈,唔係話我特登想打尖,但係我最後都接受咗佢好意。」

李雨陽笑言在杭州唱K時也有人認識他,更因此而獲得優待。(葉志明攝)

現時工作機會比以前多,收入也較理想?他回答說:「機會係豐富咗嘅。(多咗幾多?)冇得咁樣去比較。我之前都講過,選擇跳槽都會揀一間好啲嘅公司,你都唔會揀一間待遇差過之前嘅公司跳槽。人係想進步,係求越嚟越好嘅,只可以咁講。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。