【後生仔傾吓偈】馮盈盈刪男友IG:唔想見到任何女人相喺佢電話

撰文:
最後更新日期:

FYY分享佢對寶寶有幾控制狂,當中包括刪除對方嘅IG户口、FB朋友只可以係親戚或者40歲以上嘅已婚同事……

最新一集《後生仔傾吓偈》以「控制狂」為題,節目中,為測試一眾後生仔到底係未控制狂,6號提出以下5點:要求另一半時刻報到、經常挑剔對方、要求對方為自己改變、威脅另一半、多疑/容易妒忌。馮盈盈符合以上4項條件,唯一唔中嘅係「要求另一半時刻報到」,理由係「我理得佢,成日報到好煩。」。
 

Bella聽到嘖嘖稱奇,仲好似好想試。

之後,有後生仔認為要求對方刪除社交平台上嘅異性朋友呢個舉動,已屬於嚴重控制狂地步。但馮盈盈就認為好正常,並理直氣壯咁話:「唔係異性,係成個account鏟咗去,咁我咪唔會見到任何女人嘅相喺佢電話出現。」身為嘉賓嘅林穎彤(Bella)聽罷即時流露出既羨慕又佩服嘅眼神,並表示:「我都好想,但做唔出,你唔會覺得太過份?」馮盈盈解釋:「佢facebook可以有親戚、同事,但一定要年過40、已婚、有子女。」

寶寶到底幾時先會亮相《後生仔傾吓偈》?(視覺中國)

見到一眾後生仔O晒咀,FYY仲反問大家:「有咩問題?」佢繼續反駁一眾後生仔,指寶寶唔會因而感到不快,並強調:「情感、主觀嘅嘢,會隨時間變化。而家唔開心,聽日請佢食個炒飯就會開心返,我寶寶好鍾意食炒飯。呢啲朋友刪除咗就係刪除咗,仲要block埋佢號碼,咁就永遠都搵唔返。」FYY呢一招其實都幾毒,但正所謂你情我願,加上又有「炒飯」食,難怪寶寶心甘情願無朋友……最後FYY仲話「彌補多佢幾次就無事,果啲虛無嘅小學同學,同你日日喺面前請佢食西炒飯,佢會開心架啦,會沖淡。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。