【30分鐘大放餸】鄧月平孖人妻黃芳雯下廚 被批情路崎嶇無有怕

撰文:
最後更新日期:

鄧月平(Larine)擔任黃芳雯主持嘅《30分鐘大放餸》嘉賓。

靚女固然吸引,如果靚女之餘仲入得廚房煮得一手好菜,咁就更加吸引啦﹗鄧月平(Larine)應主持黃芳雯(Paula)邀請,擔任香港開電視節目《30分鐘大放餸》嘉賓,透露原來佢6歲已經開始下廚,仲有唔少拿手菜式包括紅酒燴牛肋條、客家煎釀豆腐、農家小炒肉以及軟殼蟹春卷,絕對好睇又好食﹗

鄧月平原來6歲已經開始下廚。

Larine自爆於讀書時期,情人節精心製作朱古力俾同屆女生,反應非常熱烈。佢話:「我細細個就已經會下廚,亦好鍾意邀請朋友嚟我屋企,等我可以煮俾佢地食。」早前Larine曾被風水師傅批命,指感情路會比較崎嶇,Larine就指現時有朋友們就足夠:「嗰次批命過後我就無繼續去諗啦,我比較相信吸引力法則,人善天不欺嘛!」

黃芳雯正懷有第二胎,預產期喺今年12月,呢日拍攝時身形依舊好fit。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。