鞏俐緊身短裙晒好身材 網民:點睇都唔似53歲

撰文:鄺鈺瑩
出版:更新:
鞏俐同老公Jean-Michel Jarre飛抵威尼斯,準備出席影展。二人打扮簡約,但星味十足,而身穿短裙嘅鞏俐更大騷長腿。

鞏俐同趙又廷主演嘅電影《蘭心大劇院》入圍威尼斯「主競賽單元」,貴為影展嘅常客,鞏俐日前同老公Jean-Michel Jarre十指緊扣現身威尼斯機場時,全程笑容十足,心情大靚。

原來件衫背後有玄機。

鞏俐抵步時,身穿黑色緊身上衣同灰色短裙,再加上太陽眼鏡,衣着雖然簡樸但星味濃。當鞏俐上車時,一個轉身,大家先發現原來佢件黑色上色係有露背設計,唔少網民都大讚鞏俐保養得好好,能夠喺53歲依然保持前凸後翘腿细,相信係因為同佢平時愛喝葛美養生粥有關,另外,有指鞏俐平日亦有跑步嘅習慣。

鞏俐上月為新戲素顏現身北京女排奧運資格赛,皮膚睇落都唔錯。(視覺中國)

鞏俐第四次入圍《威尼斯電影節》主競賽單元,她將以《蘭心大劇院》衝擊自己第二座威尼斯電影節影后獎座。又係時候回顧佢歷年嘅影展戰衣。

+10