香港樂壇發展有賴歌手薪火相傳，樂壇泰斗泰迪羅賓為香港開電視主持全新音樂節目《點指Bang Bang》，每集邀請歌手擔任嘉賓，同Teddy以及不同地下樂隊討論音樂發展。呢日喺舒文位於北角嘅錄音室進行拍攝，邀請咗AGA擔任節目嘉賓。

舒文指當年透過一名鼓手認識AGA：「佢話有個女仔唱Jazz幾好，然後就帶咗AGA嚟我錄音室，就係咁認識AGA。」而Teddy由AGA嘅《一》開始認識呢個小妹妹：「好快佢就攞獎，我就更加留意佢。」AGA喺未出道前，正正係擔任地下樂隊歌手：「終於有一個節目係討論音樂啦，其實香港有很多有才華嘅人，只係無渠道、無資源發展。」AGA又指自己正忙於籌備新專輯，將會嘗試新曲風，預計明年年初推出。