生日合照周志文企身後惹關注 劉佩玥:我哋公開咗㗎喇

撰文:
最後更新日期:

Moon錄影當天穿得好搶眼好靚!(梁碧玲攝)

早前劉佩玥(Moon)30歲生日,她在IG分享了不少生日會的照片,周四(12日)她出席無綫節目《香港唱好演唱會》錄影時,也難掩興奮之情。Moon透露生日玩得好盡興:「所以我而家有少少攰啦,有少少頭痛啦,同埋同啲朋友傾偈啊、玩呢,都玩得幾夜嘅,所以有少少病。」雖然Moon咁講,不過這天她依然打扮得靚靚出席活動,顏色搶眼的晚裝更有點小性感,她笑言:「都唔係好勁啫,比起上次(港姐決賽)黑色嗰條!呢個係靚囉,因為我好鍾意呢個顏色嘅,今次終於可以著喇!同埋專登戴咗陳瀅設計嘅呢條鏈啊。」

Moon表示綵排時出了小意外,聽不見自己的聲音。(梁碧玲攝)

Moon又笑言生日的照片仲未post完,她指「仲有勁多相要post。」唔知係咪將會瘋狂洗版?她又大爆早前馮盈盈和江嘉敏跟她食生日飯,「三大喇叭」的組合終於聚頭,被問到這個名字的由來,她笑說:「因為佢哋成日話我哋三個講嘢好嘈啊嘛,但係其實我比起佢哋我就係最渣嘅,呢啲就叫做『青出於藍勝於藍』、『長江後浪推前浪』,我遲早喺聲線方面會畀佢哋推走㗎喇。」原來這三人組合大有名堂!

生日會大合照中,緋聞男友周志文企的位置又引來討論。(Instagram@arryuu)

有傳媒就將重點放在生日大合照中的周志文身上,事關這位Moon的緋聞男友在拍照時企正在壽星女身後,Moon就無奈感嘆:「點解唔問我隔離嗰個係邊個呢?永遠都係focus佢喺我邊個位,其實冇乜所謂,總之大合照嘅時候邊個行到埋嚟,咁咪影相囉,其實冇乜特別㗎。」她又笑言:「冇話咩公唔公開,我哋係公開嘅好朋友囉!公開咗㗎啦,好朋友,所以就咩新聞、緋聞都唔係好care囉而家,我同佢講話『最開心就係而家淨係傳你,唔洗傳其他人,咁我安樂晒啦』,唔好再focus喺緋聞方面囉,始終工作最緊要,唔想每一次做嘢嘅時候都問我同佢嘅關係。」

Moon說自己的生日慶祝活動排到月尾,自言是「萬千寵愛在一身」!(梁碧玲攝)

至於胡定欣在大合照post下的留言:「可唔可以介紹一下你後面個(嗰)位男性朋友?」Moon聽完就大笑指:「胡定欣就不嬲都鍾意玩嘅,佢講完之後message問我話『做咩唔應我?快啲應我』。」非常搞笑。

Moon表示都會跟定欣約食飯,「因為佢都係9月9號生日,我哋私底下關係都好好嘅。」果然有緣!(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。