【後生仔傾吓偈】麥明詩示範命鉸剪腳 男主持被夾頭:好幸福

撰文:
最後更新日期:

麥明詩不但讀書叻,就連運動都同樣出色,早前佢喺IG分享潛水片段,即獲網民激讚。喺最新一集《後生仔傾吓偈》中,提到喺外地求學或工作時容易遇上危險,麥明詩即場示範巴西柔術,身體力行話俾大家知佢有幾文武雙全!

麥明詩教女士們如何用借身體的重量令對方失平衡。

節目中,麥明詩一開始就話:「我覺得最危險係自己喺外地,同埋係識識哋嗰啲人,通常好少三五識七拉你去強姦 ,多數都係追唔到你嘅男仔。又或者係有同學送你到門口,再跟你入口,咁唔通你即刻叫人走咩,公眾地方唔會做好變態嘢,但私人地方、孤男寡女就易出事,因為有啲經歷,所以我就去學自衛術。」其實麥明詩兩年前喺fb透露自己曾遭性侵,事年令麥明詩醒覺唔應該再發生這種事情,於是去學巴西柔術防身,奈何一直未有分享成果,估唔到,兩年後,終於可以喺《後生仔傾吓偈》露兩手。

如果遇上借醉行兇又點算?麥明詩一秒就將阿峰擊倒了。

麥明詩先係示範被攻擊時,最簡單係可以借身體的重量令對方失平衡,就時遲那時快,就已經將後生仔阿峰成功推倒地上,之後麥明詩表示:「女仔一定要用腳,唔好用手,因為掙扎時佢一捉你隻手就咩都做唔到。用腳防的話,可以夾住對方的髖部……」話口未完,麥明詩已經用腳將阿峰緊緊鉗實,一招「奪命鉸剪腳」作為ending pose令一眾後生仔嘆為觀止。最好笑係一班後生仔見阿峰完全被降伏,拍爛手之後,仲係咁話「阿峰好幸福」。

奪命鉸剪腳同十字固又係點呢?繼續由Miss Mak示範。

+13
+12
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。