細細粒突然暴瘦 幼長腿震撼網民：使橫手先減到
撰文：鄺鈺瑩
出版：更新：
細細粒突然瘦身，驚嚇不少網友。
細細粒（陳嘉佳）身形向來都圓碌碌，不過今日佢喺IG上載嘅一條跳舞短片，既有蛇腰又有長腿，同昔日230磅嘅佢相比判若兩人，效果震撼不少網友。
佢話最近先開始玩斗音,連小背心都出動埋!!!!
不過，唔少網友睇到細細粒身後彎曲晒嘅窗簾同牆身，都知佢其實玩嘅斗音，而佢自己亦都發文表示「我是不是要考慮去減一下肥」。細細粒接返《香港01》訪問時，表示近年因多在內地工作，受身邊朋友影響開始玩斗音。「初初都擔心冇人理我，但好彩幾條片嘅反應都好好，仲有好多人讚我靚，同埋話我減肥成功嘅話一定係靚女，同事都叫我拉闊版范冰冰。」
細細粒話有唔少工作接洽中,等落實咗會通知大家。(siupochankakai＠IG圖片)
問到細細粒是否真的有如影片中瘦，她聞言後即時哄堂大笑，並謂：「梗係冇啦，你見我要使橫手先減到肥就知我幾失敗啦，哈哈！不過我真係有諗減肥，一來想事業有突破，二來想健康啲，始終年紀大咗食嘢唔可以再咁盡情。但因為呢排工作唔係咁定時，所以未開始減住，同埋真係要的起心肝先，你知我幾鍾意食嘢架啦。」
+9