張彥博《金宵大廈》演出受讚賞 透露個唱獲周慧敏任嘉賓

撰文:洪曉璇
出版:更新:
張彥博喺劇中飾演劉江年輕版。(IG:@bobcyp1005)

TVB劇集《金宵大廈》終於播出大結局,成為近年難得口碑載道嘅劇集。張彥博飾演嘅林哥仔係劉江後生版,由動靜到眼神都相當神似,備受讚賞。隨住結局播出宣傳期完結,張彥博為15號舉行嘅個人演唱會最後綵排,呢日更喺IG分享一位重量級嘉賓﹗

張彥博透露邀請到女神周慧敏擔任嘉賓。(IG:@bobcyp1005)

張彥博喺IG上載同女神周慧敏合照,留言寫上:「終於﹗有機會一起唱歌了﹗我會努力的。」原來因為Vivian曾經like過張彥博嘅作品,佢呢次鼓氣勇氣提出邀請,獲一向愛提攜後輩嘅Vivian一口答應,令佢相當興奮。

張彥博積極為演唱會操練,唔知會唔會有騷肌環節呢?(IG:@bobcyp1005)

另外張彥博亦上載多張《金宵大廈》大結局側拍照,佢話:「多謝大家支持金宵大廈,一次飾演這樣的角色,學習了很多,蛻變中。感謝能夠和一班很好的演員一起工作,和幕後製作的團隊,真的很用心,期待金宵大廈2 …喵,差點燒燶自己。Ps:其實,我只係一隻家貓。」

+1