華星冰室割席 校長多士係招牌菜：譚詠麟從來不是股東
撰文：鄺鈺瑩
出版：更新：
譚詠麟同鍾鎮濤早前出席撐警集會，有歌迷對此表示感到失望。
港人近期去餐廳食都會份外留意「顏色」，喺灣仔同旺角都有分店嘅「華星冰室」由於其中一款招牌菜名為「校長多士」，令唔少人都以為譚詠麟係該店股東之一。
華星冰室嘅「校長多士」深受遊客歡迎。（微博圖片）
譚校長6月時高調地為撐警集會站台，之後有網民喺討論區發起「拒絕幫襯華星冰室」活動。「華星冰室」今日在其FB專頁澄清「譚先生從來不是股東，亦與我們沒有任何利益或業務關係，只是其中一位舊顧客。」並強調「強調該食店從沒發表政見立場，對於被強加顏色，感到很無奈。」雖然出晒聲明割席，但網民並不接受，直指「無生意先黎割」仲提議該店「取消校長多士」再講。
網民認為華星冰室嘅割席舉動來得太遲，決定繼續拒絕幫襯。