麥明詩今年初「踩單車去柬埔寨」，喺28日內以踩單車，先後去到中國、越南、老撾、泰國及柬埔寨五個地方，既挑戰自我又可以做善事。雖然過程中，好幾次炒車受傷落淚，但最終都順利完成，節目播出後，麥明詩嘅車手look更獲不少網民讚好，就連佢好姐妹馮盈盈亦曾多次大讚麥明詩踩單車之餘仲可以騷身材，真係不得了。

近日有網友發掘出一位泰國女職業單車手，雖然身穿嘅係密不透風防風車衣與車褲，但卻意外地將其美好身材曝露，呢名叫Tung Pang雖然為子之母，但可能係踩單車嘅原因，令佢身材保持得非常之好，每次IG出相，閒閒哋都有過萬like。據知，Tung Pang除咗係職業單車手之外，亦經營髮型、婚顧公司。看從Tung Pang暴光後，除有網民留言表示「想瘋狂騎車」仲有啲誇張表示「想被車輪碾」。