【堅離地愛堅離地】只在馬來西亞播出 張振朗:好希望香港有得睇

撰文:
最後更新日期:

Owen透露已經跟家人去拜神了。(陳順禎攝)

有「地獄黑仔王」之稱的張振朗(Owen)早前在TVB台慶綵排期間意外被一部吊在高空的攝影機跌下來弄傷膊頭,他今天(2日)出席《牛下女高音》祝捷會時候笑言:「其實我成日都遇到呢啲事,真係唔關我大意事。天上跌個Cam落嚟,其實都幾好彩,唔係好嚴重,冇傷到啲骨,只係肌肉受傷。今次第二次啦,之前平安夜行行下行跌咗帳篷落嚟,打中腰,所以我都幾容易遇上呢啲事,不過幸好冇令我粉身碎骨。」

Owen終於黑仔完。(陳順禎攝)

大難不死必有後福,就好像《牛下女高音》原本播出無望,怎會想到成為台慶劇之餘,收視更屢創佳績。今天祝捷會上公布這劇集成為晚上8時30分全年最高單集收視,7天跨平台總收視有30.7點,Owen感恩說:「我本身呢段係地獄時間,到依家《牛下》有咁好成績,真係好開心。咁真係要多謝一班前輩演得太好啦。」

《牛下女高音》舉行捉捷會(陳順禎攝)

提到Owen首次擔任男主角的劇集《堅離地愛堅離地》近日已經在馬來西亞啟播,但香港卻播放無期,他說:「我都唔知道香港幾時播,我成日都話呢套係我第一套男主角,第一次唱主題曲。不過好開心嘅係外地朋友send msg畀我話好好笑,好唔似我,所以真係好希望香港會有得睇。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。