周柏豪秘密榮升人父 老友何超蓮竟毫不知情:佢完全冇講收得好密

撰文:
最後更新日期:

賭王千金何超蓮今日(4/12)出席時尚雜誌周年慶祝活動。爸爸何鴻燊上月月尾生日,超蓮自爆仍未送生日禮物:「我有少少高估咗自己嘅能力,應承咗織頂冷帽畀佢,但Daddy要求有啲花式,有啲窿唔好太焗,所以就花咗比較耐嘅時間,就同佢講係聖誕加生日禮物。」

 

娛樂圈年度「最Sweet新聞」名單有喇!即到《01最賞睇娛樂大獎》投票,仲可以參加勁抽雙重獎,隨時贏得終極大獎旗艦手機11 Pro Max、Dyson風筒等。

超蓮以貼身綠色閃片長裙現身活動,大顯高貴優雅氣質。(梁碧玲攝)

超蓮和內地男星竇驍即將共度他們的第一個聖誕,她竟未有為男朋友預備聖誕禮物:「佢生日同聖誕好近,預備咗生日先,聖誕再算。」至於會否一齊去旅行,超蓮話比較難計劃:「佢休息嘅時間唔長,自己喺香港都有啲嘢做緊,要再睇點樣一齊放假。」

超蓮聖誕未能與男朋友共度佳節,但會主力做公益活動,為老人家送暖,善心爆棚。(梁碧玲攝)

超蓮得知好友周柏豪的女兒剛剛出世,她顯得十分驚訝:「佢完全冇講,收得好密。其實佢消失咗一大段時間,我又冇諗到係咩原因。」超蓮隨後立即送上祝福,笑言會親手織小禮物送給B囡:「會織畀細佬嗰囡先,織得好會再織下。首先要介紹細佬個囡畀柏豪個囡認識,做朋友,大家都係今年出世。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。