Jessica@SG呻做人妻後喪做家務 嚇怕Aka:我唔結婚啦!

撰文:蒙曉盈
出版:更新:

Super Girls五位成員今日(26日)齊齊現身將軍澳商場舉行的宣傳活動。今次是五位成員相隔近一年「合體」全員出席公開活動,她們坦言過去一年各有各忙,相當掛念「合體」的日子,有粉絲更形容今次是「世紀合體」。為了隆重其事,五人特意一同穿上色彩繽紛的服裝現身。

Super Girls今日難得齊人出席活動,被譽為「世紀合體」。(梁碧玲攝)

Jessica今年10月成為人妻,今個聖誕自然與老公過二人世界,不過她慨嘆結婚後要處理大量家務:「我一直都係同屋企人住,不嬲都有屋企人幫忙做家務,當我自己一個搬出去同先生住嘅時候,有嘢就落晒我身上就冇一日都執唔停㗎!」Jessica又稱有感自己是家庭主婦,其餘4位成員即時被嚇窒,Aka聞言更當場直呼:「我唔結婚啦!」

今年10月成為人妻的Jessica大呻婚後要處理大量家務。(梁碧玲攝)

2020年和農曆新年將至,談到新年目標,Aka、Yanny、Heidi和Cheronna異口同聲表示想逗Jessica婚後第一年的雙封利是。雖然Super Girls農曆新年亦會一同出席活動,不過Cheronna透露未來一年Super Girls仍然專注個人活動,期待Super Girls推出新作的粉絲可能要再等一段時間了。

+1