「肥沙」慨嘆中國冰室結業 林雪:呢間茶餐廳先係明星

撰文:洪曉璇
出版:更新:
屹立旺角半世紀的「中國冰室」,將於日內結業,林雪專程重遊舊地懷緬一番。

於 60 年代開業、屹立旺角半世紀的「中國冰室」,將於日內結業。「中國冰室」是不少本土電影之拍攝聖地,導演杜琪峰的作品亦在此實地拍攝,當中令觀眾最難忘的一定係 2003 年的《PTU》,片中林雪飾演的失槍差佬「肥沙」,同扮 PTU 的任達華及邵美琪等於該冰室內有對手戲,當年劇組前前後後在冰室內拍了接近一個月,所以「肥沙」對這間茶餐廳甚具情意結。

2003 年的《PTU》,片中林雪飾演的失槍差佬「肥沙」,同扮 PTU 的任達華及邵美琪等於該冰室內有對手戲,當年劇組前前後後在冰室內拍了接近一個月
+3

林雪收工後特意去了「中國冰室」開飯,他走上樓上雅座的長枱座位,有街坊即笑道:「肥沙,你搵番把槍未?」雪哥亦搞笑回答:「未呀,仲搵緊。」之後雪哥點了沙爹牛麵,又不時拎起手機影相打卡,期間食客輪住同雪哥合照,親民的雪哥來者不拒。

置身冰室,《PTU》回憶即刻番晒嚟,他說:「嗰時我哋拍咗成個月,我通常都係夜晚九點度先開工,等呢度閂門先開始拍,廚房都閂咗,冇得叫嘢食,都係叫外賣。阿杜好鍾意呢啲有香港特色嘅地方,我都有幾部戲喺度拍,呢度嘅牆磚、枱枱櫈櫈依家都搵唔到啦,仲係保留番以前嘅風味。」

林雪收工後專誠到冰室食餐好

「中國冰室」光榮結業,問雪哥會否很感慨?他就說:「其實呢間茶餐廳先係明星,因為香港好多電影嘅畫面都有佢。」他直言以前拍《PTU》時比現在瘦一半,所以新一年為健康着想,要努力減肥。

林雪慨嘆呢間茶餐廳先係明星