吳千語孖百億富三代施伯雄湊細路 全程貼身照顧樂做阿四

撰文:
最後更新日期:

吳千語熱愛旅遊,不過有傳佢為嫁入豪門,連經濟客位都肯坐。(ig圖片)

吳千語於2018年被指搭上身家過百億嘅富三代施伯雄,雖然一直未有公開承認,但不時被影到齊齊出埠旅行,去年4月吳千語公開表示單身,但其後更被發現已搬入施伯雄鴨脷洲嘅千呎豪宅,疑似製造分手煙幕。

吳千語被影到同施伯雄帶埋小朋友去嘉年華玩,仲一支棉花糖四個人分。(ig圖片)

近日有雜誌報道指吳千語早前同施伯雄,帶埋兩名年約8、9歲嘅小朋友去到嘉年華玩。向來被指「拜金」嘅吳千語打扮難得樸素,並全程充當保母,四人玩得投入之餘,更一支棉花糖四個人分,儼如一家人。有指吳千語為嫁入豪門,過去一年努力洗底,除戒揮霍買名牌之外,連出外旅行時連經濟位都肯坐。如今連保母都做埋,真係唔知話愛情威力強勁,定係豪門吸引力強好。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。