張文采《1圈圈》破天荒談舊愛羅鈞滿 爆TVB禁二人有親密行為

撰文:
最後更新日期:

前無綫(TVB)新聞主播張文采(Wendy)日前接受商台節目主持梁泰來訪問,有關訪問今日亦在《1圈圈》播出。除了離職原因,已成人妻的Wendy亦提及當年與羅鈞滿的一段情:「我真係冇諗過,第一次畀狗仔隊影嗰陣,驚到跑走咗,喺商場搵咗個角落匿埋,個心跳得好犀利,之後都有同啲同事講,點解讀新聞都會上娛樂版?真係好唔明,其實係有影響。」幸而TVB並沒有因此「照肺」,明白她的處境:「唔知幾時開始,主播會變咗做一個明星要上報紙?」

張文采接受商台節目主持梁泰來訪問,不但大談離職原因,更提及當年與羅鈞滿的一段情。(YouTube/@ 商業電台 Hong Kong Toolbar)

英文班遇上丈夫:一句八卦多餘嘅嘢都冇問!

談到曾有傳張文采因為穿着短裙而被高層罰停止報新聞,她即時笑說因為當年被禁答覆任何傳媒,所以有冤無路訴:「其實嗰次我係冇着到短裙,裏面係有條褲,其實係全部人都知,砌我生豬肉,老闆都知㗎,知道係一條褲,嗰件事我喊咗好耐,我直頭打畀老細喺度喊!」最後老闆更落力安慰她。梁泰來問張文采有否因她與藝人拍拖而受壓,她直言:「出街唔會做啲親密行為,叫我要化妝。(有冇叫你要小心啲識人?)又講呢啲,而家開心咪得囉!」

提到消防員老公,張文采指兩人本身沒有共同朋友,是報讀英文班才認識,而他們相識的過程也是充滿緣份:「係唔同時期報,差唔多係我上完佢先報,只係連續有幾堂係一齊上,我平時係好少化妝,因為唔想人哋認得,想做返普通人去學下嘢,點知佢原來係認得我,但係冇一嚟就問係咪報新聞嗰個張文采?反而係好有禮貌去問,一句八卦多餘嘅嘢都冇問,感覺係好舒服,終於唔會有一個人覺得我係另類,結果咪一齊約埋上堂,一齊食下飯。」她又大讚老公勤力又顧家:「我夢寐以求嘅生活其實好簡單,只係想有個家庭,每一晚煮飯湊下小朋友,佢畀到呢個感覺我。」

點擊下圖觀看張文采靚相:

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。