【武漢肺炎】肚屙江嘉敏超市撲紙巾得個吉 最後演變成善心故事
撰文：陳栢宇
出版：更新：
「武漢肺炎」肆虐，香港除了確診個案愈來愈多，更出現「口罩荒」，昨日（6/2）更演變成市民搶購其他日用品，包括廁紙、紙巾，搞到處處缺貨。現正忙於為無綫（TVB）拍攝新劇《食腦喪B》的江嘉敏（Kaman）亦受影響，患了腸胃炎的她今日便在社交平台貼相、拍片大呻紙巾和衛生巾被搶購一空，她在片中說：「我想話畀大家聽嘅係，我係一個肚屙緊嘅女孩子，我係買紙巾同M巾，但係乜都冇呀，想點先！」
點擊下圖觀看江嘉敏IG靚相：
+21
之後，江嘉敏再於限時動態中更新，指自己最終買到兩包消毒濕紙巾：「香港總係有啲唔聽話嘅人，前面個阿姐拎住咗十幾包濕紙巾，我即刻出聲話『每人限買兩包咋喎』！好彩收銀哥哥好公正，係佢個籃拎返出嚟，個阿姐即刻叫排喺佢前面嗰幾個人搶返啲話濕紙話要買，最終得返兩包落到我手。」
雖然物資短缺，但江嘉敏亦好有善心，發揮守望相助精神，與他人分享：「打算畀錢嘅時候，有個叔叔問我邊度有呢啲消毒嘢買，佢話屋企乜都冇喇，然後我分咗一包畀佢。」
點擊下圖觀看事件相關圖片：
+2