【今日疫情】家長抗疫注意事項 李家仁醫生：BB戴口罩好危險
撰文：鄺鈺瑩
出版：更新：
李家仁醫生提醒家長對抗疫情時要注意嘅事項。（影片截圖）
武漢肺炎疫情持續升溫，喺口罩難求嘅情況下，政府仍然未有有確實穩定供應措施。網上早前流傳一張手抱BB戴口罩嘅照片，到底手抱BB是否真有需要戴口罩呢?兒科專科醫生李家仁醫生作客最新一集《今日疫情》就話BB戴口罩有一定危險程度：「細過三個月其實好危險，因為唔識拉開啲嘢，如果突然嘔，口罩濕咗，貼住塊面會窒息，所以唔好以為好細嘅BB有口罩就係安全。」
ViuTV有員工由內地返港，需接受家居隔離。他指入境時收到的量度體溫表格完全係靠自律去完成。（影片截圖）
李家仁醫生亦提到如果家長有小朋友或嬰兒的話，家長除要勤洗手之外，就連水晶甲、手錶等飾物亦最好唔好有。「毛公仔因為好難清潔，所以最好先收起來。另外，亦都要教小朋友要有自己嘅餐具，唔好幾個小朋友大家互相用，個人物品分開係好緊要。」有網民問到一歲嬰兒近半個月未有外出，會否影響其發育，李家仁醫生表示小朋友有得食有得瞓已經好滿足。「有家長帶小朋友去行山或沙灘，如果沙灘塞滿人，咁咪仲危險。」
+2