【武漢肺炎】「肚屙江嘉敏」再信錯人 訂消毒產品被騙:喊出嚟!

撰文:
最後更新日期:

「武漢肺炎」肆虐,香港確診個案更是愈來愈多,搞到人心惶惶,市民四出搶購口罩,釀成「口罩荒」。不少藝人也一樣面對備用口罩短缺的問題,江嘉敏(Kaman)便是其中一位,早前更試過托人買口罩,但對方突然變得「冇尾飛陀」,好在未有蒙受金錢損失。不過,一波未平一波又起,江嘉敏近日又再次因為購買防疫物資而中招,她接受《香港01》訪問時便坦言,最近見到有人在社交平台貼相賣消毒用品,便約對方交收:「有清潔啫喱、洗手液、濕紙巾同火酒,我約咗佢5次,足足5次,交收約好時間、地點佢都放我飛機。」

點擊下圖觀看江嘉敏IG靚相:

+22
+21
+20

接二連三「中伏」的江嘉敏愈講愈㷫,直言好嬲:「咁我就直約佢屋企樓下攞,佢應承咗OK,點知我去緊嘅途中佢再放我飛機。然後我就好有誠意咁,話無論你幾點出門口、幾點返屋企,我都遷就到,佢都話好。點知佢再失蹤兩日,一上水就無端端Send個『拜拜』畀我,我問咩事,佢話不如你去第二度買,再好有禮貌同我講拜拜,我真係嬲,如果你係冇貨,唔好畀假希望我哋啦!」

雖然江嘉敏患腸胃炎屙足幾日,但仍然不忘在IG貼靚相。(Instagram/@kaman_kong)

至於有否「跌錢」,機警的江嘉敏坦言今次只白費心機和時間:「佢有叫我入數呀,入完再(當)面交(收)。我覺得其實都『面交』啦,點解要入咗錢先,我覺得好唔方便,你直接畀貨我,我直接畀現金你仲好啦。」她直言當初曾經考慮過幫對方墊支大量入貨,因為對方的「積極態度」才打消這個念頭:「我肚屙好需要呢啲清潔用品,我真係喊出嚟!(腸胃炎未好返?)好難三日就好返,今日再覆診,仲要食抗生素。」

重溫江嘉敏早前落超市買消毒用品得個吉的情況:

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。