【武漢肺炎】《東張》李旻芳出外景擔心受感染:要帶齊防疫三寶!

撰文:陳芷穎
出版:更新:

「武漢肺炎」肆虐全球,不少僱主在疫情穩定前暫時讓員工在家工作,盡量減少人群聚集,避免交叉感染。不過作為藝人,難免要外出工作,無綫(TVB)節目《東張西望》主持之一的李旻芳(Lucy)經常要外景拍攝,她都擔心會接觸到細菌、病毒,開工前會做好防疫措施:「出門口之前一定要帶齊三寶跟身!口罩、酒精搓手液同空氣淨化消毒噴霧。每次外景之前一定會消毒晒所有拍攝工具同雙手先開始工作。公司嘅同事都好好,每次訪問之前同之後都一定會消毒晒所有用過嘅咪。」

李旻芳經常要外景拍攝,她都擔心會接觸到細菌。 (《東張西望》截圖)

在「一罩難求」的情況下,李旻芳透露TVB會提供口罩給前線同事以保障他們的健康:「公司好好,每日外景都會提供口罩畀我哋前線用,出發前導演拎定一個獨立包裝嘅口罩畀我。同埋如果用晒酒精搓手液同空氣消毒噴霧,公司都可以提供Refill!所以我哋返工都會安心啲!」

李旻芳每次外景之前,一定會消毒晒所有拍攝工具同雙手。(IG/ @limanfong)
+4

不過病菌無處不在,帶齊防疫三寶開工都未夠,李旻芳提醒大家回家後第一件事是先洗手:「雙手盡量唔好周圍掂周圍摸!每次放工返屋企,都一定在門口玄關位除晒所有衫褲鞋襪之後即刻放落洗衣機洗,外套同鞋底就會用酒精抹乾淨先夠膽入屋,而入到屋第一時間就係洗手!」

另一位《東張西望》女神阮嘉敏都話公司會提供足夠口罩。(IG/ @mandyyuen)

而另一位《東張西望》女神阮嘉敏(Mandy)都話公司會提供足夠口罩,所以外景拍攝都不太擔心:「公司有提供足夠口罩同消毒噴霧畀我,而我自己嘅口罩存貨暫時都足夠。」

+5