因拍《法證先鋒IV》結緣 海俊傑趁李施嬅生日送上神秘驚喜
撰文：黃梓恒
出版：更新：
因拍《法證先鋒IV》同合唱新歌《二次緣》而結緣既海俊傑同李施嬅日前一齊做訪問，訪問翌日係施嬅生日，海仔就為好友準備左驚喜。
海仔相當細心。（受訪者提供）
訪問結束之後海仔就捧住蛋糕為施嬅唱左首歌劇版既生日歌，氹到施嬅眉開眼笑，海仔指 :「我生日嘅時候施嬅有同我一齊慶祝，所以我今日要為佢送上驚喜，送返個同佢一樣咁靚嘅蛋糕畀佢。今次拍《法證先鋒IV》係我回歸香港電視圈嘅第一套劇集，好開心可以同施嬅做對手戲，更開心嘅係有機會可以合唱新歌《二次緣》，最開心嘅係同施嬅做咗好朋友。」
兩個人成為好朋友。（受訪者提供）
施嬅 說:「《法證先鋒IV》係我暫別香港電視圈嘅作品，好開心可以遇到好多好好嘅前輩，同埋遇到海仔。因為遇到海仔令我有機會可以有自己嘅歌曲作品，對我嚟講係一個好好嘅經驗，好感恩嘅係海仔喺音樂方面都畀左好多意見同啟發我，而我今次最大嘅收穫係識左海仔呢個好朋友。」
李施嬅憑着《金宵大廈》獲得「最受歡迎電視女角色」。（01娛樂）
+4