蔡卓妍首入圍與鮑起靜爭金像獎最佳女配角：互相祝賀同打氣

第39屆香港電影金像獎日前公佈入圍名單， 蔡卓妍（Sa）憑電影《聖荷西謀殺案》入圍最佳女配角。去年憑《非分熟女》角逐金像獎影后，今年又首次入圍最佳女配角，阿Sa表示感恩：「好開心能夠遇到一個好好的導演、兩個好好的對手，以及一個好好的團隊。」

現正身處外地拍攝網劇《女法醫JD》嘅阿Sa，以及憑《金都》一同角逐最佳女配角嘅鮑起靜，日前獲劇組舉行神秘慶祝派對，當日完成拍攝後，劇組突然拿出香檳及歡呼，令阿Sa十分驚喜：「開緊工嘅時候收到提名消息，大家都好開心，亦都互相祝賀同打氣。但估唔到拍攝完咗嘅時候佢哋會再有驚喜俾，真係好多謝大家。」除此之外，同劇的攝影師謝忠道憑電影《犯罪現場》提名「最佳攝影」，可謂三喜臨門。