戴志偉被揭疑背妻偷食事件後遭追訪　煩躁爆粗鬧記者兼報警處理

現年59歲的前無綫藝員戴志偉，多年來在劇集中都是飾演負心漢等反派角色，近日他竟被爆出背妻偷食。有報道指有婦之夫戴志偉搭上2016年入職的年輕女同事Candy，更影到他們在淺水灣密會，二人戴上口罩，十指緊扣手拖手行沙灘。他於入夜後即時回家陪太太和囝囝，享盡齊人之福。戴志偉於2011年離開TVB後轉行做保險，現為保險公司分區經理。

今日有大批傳媒在他位於馬鞍山區的寓所外等候，早上大約11點半，他從寓所駕車外出時，傳媒即上前追訪，他將車駛至對面屋苑的避車處時便下車，並情緒激動地爆粗表示：「X你XX，我報警，做乜跟住我呀？做乜嘢先？你哋係咁跟住我做咩呀？」戴志偉全程無戴口罩，並多次走近記者身前，爆燥地說：「我報警呀，告你哋滋擾，X！你哋咁樣做人，有冇搞錯，香港人，點解咁衰，畀個證我，你係咩記者?」又反問：「我而家做錯咩事，我得罪你哋乜嘢！」他其後報警並有警員到場處理，他就駕車離開現場。