傳不滿被採訪罵走主持周佩婷 呂慧儀澄清:我哋不嬲都係咁相處

撰文:
最後更新日期:

「長腳蟹」呂慧儀 (Konnie) 性格友善為人隨和,向來無咩脾氣,不過今日就有無綫幕後人員向傳媒爆料,指Konnie被娛樂新聞台主播,有份主持《3日2夜》的周佩婷(Angel)訪問時一句:「你今日有乜講?」而「辣」着了,她即時嬲爆兼用好晦氣的語氣跟對方說:「你知唔知我哋拍緊嘢㗎!」事發時Konnie正於電視城開廠拍《愛‧回家之開心速遞》。

Konnie份人出名nice。(ig@konniecrab)

由於新冠肺炎(新型冠狀病毒、COVID-19)持續肆虐,為了減低傳播和感染的風險,加上有「限聚令」,很多公開活動都取消了。娛樂新聞台要探訪娛樂新聞,唯有訪問自己公司的藝員,差不多每日都會派員巡電視城看看有沒有劇正在開工。《開心速遞》一星期播足七日,所以基本上日日都有工開,劇中一眾演員自然成為被採訪的對象。報道指Konnie其實不太喜歡開工時經常有人來做訪問,覺得娛樂新聞台採訪得太頻密,打擾到拍攝工作。事發當日Angel一行入廠,見到Konnie就上前採訪她,但Angel劈頭第一句就是:「你今日有乜講?」令到Konnie即時無名火起,用好晦氣的語氣跟Angel說:「你知唔知我哋拍緊嘢㗎!」

有指Angel激嬲了Konnie。(ig@angelchoww)

當時同場還有劉丹和周嘉洛,但他們見到Konnie咁嬲都不敢出聲。而Konnie消氣後,亦有接受訪問。據悉無綫有關方面亦有了解今次事件,希望娛樂新聞台盡量以不影響拍攝工作下進行採訪,並已向Angel作出訓示。Angel被問及此事時,就不敢多講,只表示事情已解決了。

不過Konnie接受《香港01》電話訪問時,就澄清:「我無講過『你知唔知我哋拍緊嘢㗎!』呢句說話,我唔會鬧人㗎,當日件事亦唔係報道所講咁嘅。娛樂新聞台係成日嚟採訪我哋,咁我哋都好歡迎,大家同事互相合作同幫助。每次我哋都會傾吓做訪問時有啲咩講,Angel係有問我『你今日有咩講?』我哋不嬲都係咁相處,大家都習慣咗,唔覺得有問題,咁當然講多啲《愛回家》嘅嘢就最好啦,幫我哋宣傳下。嗰日我哋放緊飯,我同佢一如往常咁傾吓一陣講咩好,我話嚟緊有集係講口罩嘅,就講口罩啦,佢都話好呀。之後佢有事要返上office處理,所以中途走咗,我哋就做住訪問先,佢都有再返嚟。我哋一直相處得好融洽愉快,並無發生報道所講嘅事。我哋呢套劇係唔會鬧人㗎。」

Konnie好少會咁嬲。(ig@konniecrab)

點擊下圖逐格睇Konnie同Angel嘅靚相:

+38
+38
+38


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。