為免新冠肺炎（新型冠狀病毒、COVID-19）疫情持續惡化，好多人都留喺屋企避免外出，不過香港人慣咗生活多姿多彩，困喺屋企都要搵多啲新意。馮盈盈潮玩pillow challenge將枕頭當連身裙，陳婉衡（Alycia）亦接受另一challenge，不過呢款就唔係個個挑戰得到啦。

陳婉衡（Alycia）一向熱愛運動，擁有一身健康膚色，仲有喺陳庭欣男友健身室教班。雖然最近Gym room被勒令關閉，不過Alycia都有喺屋企keep住做運動。呢日佢挑戰「倒立着衫challenge」，見到佢先挨住大門倒立，緩緩穿起左右手，再調整姿勢單手支撐下將上衣笠過頭，平衡力臂力都相當驚人，難怪佢完成挑戰後表情咁得戚啦。