苑瓊丹自揭放棄拍電影同周星馳有關:我當時覺得好難堪

撰文:
最後更新日期:

「有線電視」是知名收費電視台,另句話說,要收看「有線電視」的節目,如果錯過了「開電視」免費播放或網頁平台重溫的機會,就只能透過「其它」途徑重溫。不過近日「有線電視」非常慷慨,在個人YouTube頻道上載多個舊節目供觀眾免費任睇,當中包括《夠細奇則》、《臥底旅行團》以及《煉狗術師》等等。

而其中一個免費重溫的,是由冰姐鍾慧冰主持的《我的老友係明星》,而其中一集的受訪嘉賓是苑瓊丹(苑仔),她更分享了很多個人演藝事業的高山低谷,由加入亞視再跳出電影圈,參演多部周星馳主演的作品:「講真嗰句,其實嗰段時間我都好風光,每日去開工,好得戚,劇本攞嚟一睇,跟住讀,點知導演話係急口令,我心諗唔係呀嘛?」當時苑仔所演的正是《九品芝麻官》中的龜婆。「星仔有一個習慣係會睇我哋演咩嘅,佢企咗喺度,但我又講嚟講去都講唔到,然後佢就同王晶導演講,佢話:『你叫佢講1234567啦!』,然後晶哥就話:『唔得喎!而家講唔到嘅話,第日點配音呀佢!』我話畀你聽,因為我係一個好要面嘅人,我當時覺得好難堪,我隻耳仔紅晒,跟住我踎咗喺地下度,好驚,驚到真係,但都係要咬緊牙關做,我唔知啲人睇唔睇得出,可能啲人以為我當時個樣好兇狠,但其實我就係咬實牙關喺度講。之後我就走去問阿吳孟達,佢話演員呢,會回塘㗎,我就同我自己講,我掉以輕心咗,太理所當然,太驕傲,我已經冇咗作為一個演員對角色嘅了解,冇晒呢個過程。」

苑仔嘅《我老友係明星》而家免費任睇!(「有線電視」YouTube截圖)

+3
+3
+3

《香港電影我撐場民選大獎2020》全民一人一票,用行動撐本土!
https://hkmovies2020.hk01.com
旗艦智能手錶 Series 5、Dyson風筒等豐富獎品等你贏!

重提TVB與「前輩」不和

而正因為發現自己「回塘」,苑仔把心一横重返電視界「磨刀」,當年是1995年:「好好彩,個天成日畀條好路我行,我一返電視台,然後電影界全軍覆沒。」苑仔加入TVB後,參演過多部處境喜劇,包括《真情》、《男親女愛》、《皆大歡喜》等,不過後期,又傳出苑仔在拍攝《皆大歡喜》時與「前輩」不和:「拍處境劇有一個重點好緊要,好需要做好功課同埋準時,日日都要開廠,你唔記得對白,你冇睇劇本,冇做好自己嘅嘢,你唔好行入個廠......當年我同一個演員不和,唔講名,佢做嘢唔認真,又遲到,我呢個人唔得㗎嘛,咁你又遲到,但你又發我圍,真係一發不可收拾。你話我唔尊重前輩,但我唔覺得自己有錯,如果大家都係認真工作,我覺得我哋就唔好分前唔前輩喇,但當然喇,前輩就會覺得我唔分尊卑。」

+8
+8
+8


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。