袁偉豪同女友張寶兒近日以聯名方式，買入清水灣傲瀧複式單位，連埋雙車位共斥資7000萬。位於清水灣道663號（香港科技大學後方）嘅傲瀧，環境清幽，四周被綠化環境包圍，加上住宅大廈以中低密度設計，近年吸引唔少藝人進駐。
長駐內地搵人仔嘅劉愷威，於2017年以6000萬買入傲瀧兩個單位，一個係4000萬嘅特色戶用作自住。 另一約1800萬嘅三房單位，係送予劉丹嘅父親節禮物。 張寶兒同妹妹張寶欣於2017年以1500萬買入傲瀧兩個單位。 其中一個係22座、面積460平方呎，售價736萬元，當時土地註冊處顯示買家為張寶兒，不過近月已轉名予張母。 妹妹張寶欣則買入22座中層單位，實用面積457平方呎。 近年喺內地吸金力極強嘅關智斌，2017年先以1,700萬買入傲瀧一個968呎單位自住。 關智斌之後以1,600萬沽出於2014年以約900萬購入「浚峯」風水屋後，再以1600萬買入傲瀧另一個過千呎單位予家人居住。 前無綫行政主席「六嬸」方逸華，生前曾以1.34億掃入傲瀧6個分布於第17座、實用面積1216及1301方呎嘅標準單位，成交價介乎2164.4萬至2315.7萬元，實呎1.78萬元。(視覺中國) Moiselle太子爺陳柏熹（Harris）於2017年以6000萬買入傲瀧兩個單位。 其中一個特色單位實用面積1,732呎、連1,200呎花園，實用面積呎價逾22,600 元，創當時特色戶呎價新高紀錄。 2018年商台DJ少爺占以首置名義斥約3,380萬元買入傲瀧11座高層單位，實用面積1,837呎。 少爺占曾表示家人鍾情投資物業，並稱自己工作多年努力儲錢，本身沒有太多嗜好，故便主力買磚頭。 視帝王浩信於2018年以3,306萬買入傲瀧11座高層單位，實用面積為1837呎。 佢當時聲稱係送給母親做禮物，無預到老婆陳自瑤份。(視覺中國) 曾經講過將全副身家俾晒老婆Stephanie嘅周柏豪，於2018年以3343萬買入傲瀧5座高層單位，實用面積為1837呎。 周柏豪當時有話過層樓係送俾老婆嘅禮物，因為對方多年來一直在背後支持自己。 Dear Jane主音Tim於2018年2034.76萬買入15座中層單位，實用面積約1,183呎，同時又以200萬購入一個車位。 老婆楊洛婷當時有話過係因為於金融海嘯時買入嘅單位升值，令佢哋有幾百萬進帳，加上多年積蓄，所以決定換樓。