【後生仔傾吓偈】馮盈盈分享脫毛經驗:成世人未試過咁絕望

撰文:鄺鈺瑩
出版:更新:
盈盈脫毛脫到懷疑人生。(影片截圖)

《#後生仔傾吓偈》真係一個無所不談嘅節目,最新一集以「傾條毛」為題,一眾後生女包括埋主持馮盈盈,都有大方分享自己嘅脫毛經歷。

佢話痛到好似被火燒咁。(影片截圖)

講到脫毛方法,即可使用剃刀,又可揀蜜蠟、脫毛膏、脫毛機、彩光脫毛或者係激光,馮盈盈講到大學時首次嘗試巴西式熱蠟脫毛(Brazilian waxing),感覺只得絕望兩個字!她表示曾經考慮過激光脫毛,但由於「特別部位無毛有時係個人喜好,又或者對方嘅個人喜好。」所以最終選擇激光,她說過程如做facial,入房後瞓低、脫褲、然後美容師會用雪條棒將暖笠笠嘅蠟均勻地抹上去好多毛嘅地方。「你會感覺到慢慢冷卻,由液體變固體,然後佢會突然間話『我嚟啦』佢撕走嗰下好似被火燒咁,我成世人未試過咁絕望同質疑自己嘅生存價值,望住個天花板想喊,點解做女人咁痛苦?」

欣茵揀激光脫光,但佢話要對住美護師腿張開真係好尷尬。(影片截圖)

而最近加入《學是學非》做「實習生」嘅陳欣茵,喺節目中亦有分享脫毛回憶。「我係做激光,驚到以後都唔再做,因為首先你要擘大隻腳 ,然後比嗰個人睇晒,我第一次已經勁尷尬,我成身出晒汗。剃完毛嗰人全日都懷疑人生。點解咁痛又唔舒服?我以後都唔會去。」講到好似貼錢買難受咁,點解仲要去脫呢?盈盈就話一為夏天船P,二為選美,除此之外,亦都可以為咗另一半。「但要睇嗰份愛有幾強烈同堅定,可唔可以麻醉到嗰份痛楚。」

最後仲搵埋後生仔感受下脫毛有幾痛……(影片截圖)
+21