馬浚偉跨界首製作電視節目 黎瑞恩甘獻出第一次
撰文：洪曉璇
出版：更新：
一向熱愛咖啡文化嘅馬浚偉，其工作室首次自家製作電視節目《緣來自咖啡》，每次邀請不同嘉賓亮相，分享咖啡與人生，其中一集嘉賓黎瑞恩亦係咖啡愛好者，節目中品嚐馬仔親手炮製咖啡後讚不絕口，更推薦大家有機會一定要試試馬仔手藝。
馬浚偉出名熱愛咖啡。（IG：@ma_chun_wai）
馬仔話好開心可以有新挑戰，嘗試製作電視節目，而且佢仲宣佈同小恩子將會喺舞台上首度合作，馬仔自編自導自演第三個舞台劇《男人四十CEO》，邀請黎瑞恩出任女主角，扮演豬隊友中奇葩、男主角身邊女秘書。馬仔表示角色非常適合小恩子，因為夠「純」但又非「蠢」，引發出好多笑料，激到CEO嘔血。黎瑞恩對於首次演出舞台劇，心情既興奮又緊張：「擔心自己唔記得台詞，不過馬仔CEO非常體貼，佢話到時成日排練就一定會記得，有佢嘅鼓勵，個心都定好多，我會努力做到最好。」
馬浚偉同黎瑞恩將首度於舞台上合作。
+4