連詩雅分手數月傳與陳家樂秘密拍拖 舊年拍TVB旅遊節目撻著
撰文:洪曉璇
出版:更新:
喺娛樂圈工作日夜癲倒,加上有時要投入感情拍戲,不時傳出藝人同合作伙伴擦出愛火花,最新一對就有陳家樂同連詩雅﹗Shiga四月先自爆,去年底同有米音樂人徐浩分手,點知呢日就傳出佢同陳家樂秘密拍拖。
Shiga早前自爆去年底同徐浩分手,有指因為雙方對結婚無共識,唔結就分。剛好情傷期間,重遇去年一齊到韓國拍TVB旅遊節目《12個夏天》嘅拍檔陳家樂。
有指雙方非常投契火速撻著,不過二人一向唔將感情事掛口邊,今次就連雙方公司都隱瞞。報導話二人拍拖都好小心,更指有人曾目睹家樂深宵夜訪Shiga香閨。我地就呢件事聯絡過陳家樂,但截稿前暫未回覆。
+14