湯洛雯正式將TVB鑽石級筍盤馬國明私有化，全城一致睇好大讚合襯！靚湯近一兩年順風順水，坐上女一之位角色討好成功入屋。之前臨危受命頂替好姐妹黃心穎重拍《法證先鋒IV》表現受讚賞，估唔到依家更接收埋「馬明嫂」之位。

去年「安心事件」轟動全城，黃心穎即時避走香港，事業愛情全面停擺。TVB重頭劇《法證先鋒IV》被迫易角重拍，靚湯臨危受命減磅頂替心穎演女記者，表現亮眼成功上位。其實心穎靚湯參加同屆港姐，入行後齊齊喺《學是學非》做是非精，又合作拍《丫鬟大聯盟》齊做女主角。二人一直係好姐妹，心穎30歲校服派對都係由靚湯一手籌辦，估唔到依家心穎嘅事業愛情全面被靚湯接收，果真世事難料。