【慎入】劉晨芝指被Mandy Lieu師妹May襲擊:醫生話點都會有疤

撰文:洪曉璇
出版:更新:
劉晨芝13號晚於中環夜店遇襲。(IG:adrienne_lau)
+4

藝人劉晨芝6月13日於中環夜店消遣時遇襲受傷,被同場一名外籍女子起飛腳踢下巴,即時流血不止,送院後兩道傷口足足縫咗十針﹗施襲者疑似係Mandy Lieu模特兒師妹May Atkinson。劉晨芝接受香港01訪問時表示:「而家仲係好痛,同埋因為呢次意外頸椎有問題,醫生要我下晝要入醫院CHECK。」

劉晨芝傷口要縫十針。(受訪者提供)

據知劉晨芝當時同朋友到夜店玩,同場見到相熟朋友過檯打招呼,點知疑似係佢女友嘅外籍女子突然向佢施襲,起腳踢向劉晨芝下巴,即時流血不止即時要叫救護車送往瑪麗醫院急症室,縫咗足足十針。劉晨芝15號早上接受訪問時表示:「而家仲未食到野,本來今個禮拜就要飛美國,之前已試鏡成功,拍攝馬田史高西斯(Martin Scorsese)監製嘅電影,而家飛唔到就要改期,都擔心會影響拍攝工作。」

劉晨芝指向佢施襲嘅正正係Mandy Lieu模特兒師妹May Atkinson。(IG圖片)

「醫生話點都會有疤,所以好擔心」劉晨芝暫時仲相當虛弱,對工作及傷口情況都感到擔心。問到施襲者身份,劉晨芝確認係Mandy Lieu模特兒師妹May Atkinson:「已經報咗警交晒俾警方處理。」

發表評論...