李靜儀@Super Girls同陳曼娜爭寵:好想有個咁靚咁潮嘅奶奶

撰文:
最後更新日期:

陳曼娜(Manna姐)早前與李靜儀(Heidi)@Super Girls及麥子樂拍攝網絡短劇《如何對付我的港女新抱》,劇中Manna姐便要和媳婦Heidi大鬥法「爭寵」,劇情搞笑!

Heidi 大鬥 陳曼娜!

對於首次與Heidi合作,Manna姐對這位後輩讚口不絕,她說:「如果我有咁靚的新抱就好,真係靚到不得了。子樂都唔錯,有智慧。」麥子樂則說:「唔錯?其丁我都唔弱,我有埋,全部都是胸肌腹肌。」提到劇中最難忘的一幕,Heidi表示:「有一場戲我特別深刻,就係綁住Manna姐,要懲罰你,不過呢一幕在劇中係我幻想出嚟,我自己好開心咁幻想。」Manna姐則說:「如果係真就大整蠱,呢個新抱幾百厭。」

婆媳之間,總係有啲糾紛。

現實中Manna姐亦有一位「新抱」,她直言與對方關係很好,未出現過婆媳鬥法,她說:「佢係洋人在外國生活,大家雖然唔係一齊住,但佢都好有中國人美德,佢識煮中國菜,而且好尊敬我,是非常難得的。」至於仍未結婚的Heidi則賣口乖:「如果結婚都冇得擔心婆媳關係,而我都好想有一個好似Manna姐咁靚咁潮嘅奶奶,好似冇代溝。」氹得Manna姐非常開心。

此外,麥子樂坦言現實中與母親關係非常好,他說:「現實生活我同媽咪關係非常好,佢當我係男朋友,所以如果女仔要入門,一定要過到佢嗰關。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。