容祖兒踏入40歲　06年《志雲飯局》曾聲言約滿後不再從事娛圈工作

6月16日是容祖兒40歲生日，曾經講過希望40歲前生小朋友的她，雖然暫時仍然單身，但今年生日同樣開心，有好姊妹阿Sa蔡卓妍為她安排連串活動，早兩日送上精心設計立體蛋糕，更有親手畫嘅生日卡，令壽星女Joey暖在心頭。

其實Joey自十幾歲參加歌唱比賽入行，歷經被兩次解約，再簽約英皇正式出道，成為樂壇天后。她曾經喺2006年7月播出的《志雲飯局》中受訪時，被主持陳志雲問到，如果Paco（黃柏高）再想簽她的話，她會怎樣決定，Joey沒多思考便回答：「我諗無咩機會啦，俾呢間公司（英皇）綁得好實，同埋我諗滿約後應該唔會再做呢一行。」當時她說自己簽了15年的合約才剛過6年，轉眼14年已過去，Joey仍然留在娛樂圈，不過已經放慢腳步開始享受人生。