193@ERROR貼千字文直認失業中 經理人否認離隊:佢咁啱冇嘢做

撰文:陳栢宇
出版:更新:

ViuTV《全民造星》衍生團體ERROR由肥仔(梁業)、193(郭嘉駿)、阿Dee(何啟華)和保錡(吳保錡)組成,其搞笑、騎呢形象亦為他們儲落不少粉絲,最近播出的《ERROR自救TV》亦令觀眾拍爛手掌,可是193對此似乎有所不滿。

今日(24/6)193便在社交網站貼出千字文,直指被ERROR之名局限發展:「畢業返香港之後曾經喺時裝界打滾過一段日子,曾經幻想過自己成為一個Fashion model,甚至係香港嘅Fashion icon。但ERROR局限咗好多嘢,人哋總會覺得我哋騎呢、岩巉、樣衰、搞笑、甚至無腦。喂!大佬我喺英國讀心理學㗎,而我自問轉數都幾快而且識講嘢,但冇人會搵我去做正經節目,因為我係ERROR。我亦都好羨慕MIRROR會有唔同嘅時裝品牌搵佢哋好型好Chok咁拍廣告,收錢着住時裝品牌嘅衫出Event。」

怨氣甚大的他更指自己「失業中」,收睇完《ERROR自救TV》後,便有排都見他不到,疑似準備離隊。

ERROR主將193(郭嘉駿)今日(24/6)在Instagram放負,疑暗示自己即將離隊。

點擊下圖觀看193的IG相片:

+16

經理人濟哥大派定心丸 指以ERROR有辣有唔辣

ERROR經理人濟哥接受《香港01》訪問時便指193不會離隊,向粉絲大派定心丸:「只係近來ERROR其餘三個都有嘢做,咁啱佢就冇,所以放下負。(有冇搵193傾?)今日忙住跟肥仔錄音,未同193聯絡,唔會有事嘅!(佢話ERROR局限咗佢。)所有嘢都有好有唔好,佢自己都有寫出嚟,凡事有得有失,ERROR畀咗好多嘢佢,令佢行得快咗,同時亦因為呢個名好多嘢都冇咗,其他社會上好多嘢都係咁。」據了解,《ERROR自救TV》播畢之後,要等到《男排女將》才會見到193,但此劇最快也要去到年底播出。

點擊下圖觀看《ERROR自救TV》精選劇照:

+18