李君妍被朋友遊說購5萬美容產品 疑受騙求退款：好肉赤
撰文：吳子生
出版：更新：
李君妍（Aurora）今日（29/6）出席在電視城舉行的無綫新劇《異搜店》造型記者會。在劇中Aurora飾演一名從事倫敦金行業的女經紀，「今次做嘉輝哥（陳嘉輝）同樊奕敏個女，佢哋兩個關係就唔係咁好，兩邊我都唔想跟，於是出嚟做倫敦金搵快錢，想盡快脫離呢個屋企，但做呢行難免要應酬，有時上司就叫我色誘啲客，睇下簽唔簽到張大單。（有情慾戲？）有少少啦！」
君妍透露近日幫朋友簽單購買5萬護膚品心感後悔，認為自己衰心軟累事。（陳順禎攝）
講開投資，Auroro就透露近日經朋友遊說成功購買超過5萬護膚產品，供款為期兩年，月供兩千蚊。事後經過思前想後，發覺該批護膚產品價格有問題，於是決定取消訂單合約，「其實同個朋友關係都唔錯，佢話幫我計過條數，每個月都係供2千蚊，講到好為我着想，自己當時冇為意，後尾諗下諗下當晚就揼心口覺得後悔同肉赤，就要求取消張單，等退錢，不過到而家仲未收到。（會否因此同呢個朋友關係轉差？）我諗都會，睇下之後會唔會再搵返。」
君妍表示退款還未收到。（陳順禎攝）
+4