【橫風橫雨】8號風球睇災難片　《明日之後》仲要《日本沉沒》

「八號、八號、八號(啪啪啪~~) 」打工仔最期待的畫面終於出現了，突然多左一日假變成一個Long Weekend，成日流流長係屋企除左瞓覺、打麻雀之外，睇戲都係一個good choice，即係好選擇！今日就為大家推薦四部電影，睇完可能另有一番感受！

《明日之後》（2004年）

講起災難片，點少得《明日之後》（The Day After Tomorrow），即是後天？此片堪稱為災難片之王，當中講到溫室效應所連帶全球氣候有急劇變化的劇情。冰川融化、猛烈颶風、巨浪翻騰及人命傷亡，看見一個又一個憾動人心的畫面，就算安坐家中，都好似親歷其境，難免嚇到個心離一離。人雖然不能勝天，但趁住打風日，都可以反思一下人類與地球之間的關係，發人深省！

改編自小松左京原著的同名暢銷預言小說《日本沉沒》先後於1973年及2006年拍成電影。2006年上映時被譽為近廿年來，日本影壇最大拍攝成本和宣傳手筆的災難冒險鉅製。其實日本乃四面環海的島國，加上處於地震帶，歷來頻頻發生天災。有不少日本人從小就接受的防災訓練促使他們能夠沉著應對。

颱風多數吹一日半日，但另一邊廂，韓風一吹就吹了幾年。各位平時睇開韓劇，幻想同oppa有浪漫邂逅，但有無睇過韓國的災難片先？《海雲臺》就係首選，除了是韓國首套災難片，當中的特效更是災難片王《明日之後》的製作團隊打造，一聽就覺得犀利。不過睇完如此逼真又震撼的災難場面，唔知大家會唔會怕咗去韓國？

2014年上映的《加州大地震》(San Andreas)，講述美國西岸著名的聖安德烈斯斷層在加州引發9級猛烈大地震！飾演救援直昇機機師的狄維莊遜 為了搶救與他疏遠的女兒，與分居妻子一齊踏上危險的旅程。電影中視覺效果非常震撼，因為用了1300多個視覺特效鏡頭，有路面扭曲變形、高樓四處崩塌，摸擬得非常逼真。不少觀眾睇完都覺得兩小時中內幾乎有百分之八十的時間都在地震。