陳倩揚示範炮製簡易健康飲品：要減肥首先唔好怕咗呢件事

近年成為「減肥KOL」嘅前港姐陳倩揚，日前為香港開電視節目《娛樂頭條E-news Headline》新環節《星級教室》擔任嘉賓，教主播植詠珊炮製減肥飲品！已有兩子一女的倩揚，產後體重一度升至135磅，令佢決意減肥：「嗰時覺得要keep番身形，就開始研究唔同嘅減肥方法，慢慢就發現原來減肥都可以食得飽！」

拍攝當日倩揚分別炮製了三款早餐飲品，做法十分簡單，材料也是喺普通超市都可以買到。倩揚解釋因為希望大眾明白，製作健康食品並非想像中咁困難：「要大家減肥，首先唔好令大家怕咗呢件事先，如果買材料都咁困難，做法又複雜，就好難令大家的起心肝去減肥囉！」佢仲話每次見到粉絲成功減肥，都會感到好高興。