【多圖】梁芷珮老公被指靠老婆 正面還擊網友:唔好亂up喇!

撰文:
最後更新日期:

梁芷珮憑旅遊節目《潮甚麼》系列廣受觀眾歡迎。(螢幕截圖)

剛踏入38歲,憑TVB旅遊節目《潮甚麼》系列廣受觀眾歡迎,被封為「人妻女神」嘅梁芷珮(Christy),人氣愈來愈高,但是一切並非亦隨之而來。有網友中傷Christy老公話唔知係乜水仲話佢食軟飯,Christy呢日就正面還擊:「喺我心目中,我老公係絕世好男人!喺到講清楚晒喇!唔好亂up喇!」

梁芷珮完全唔似生咗三個小朋友﹗(IG:@imchristyleung)

梁芷珮一家五口一齊拍攝節目。(IG:@imchristyleung)

一直以來拍攝《潮甚麼》系列,Christy都係一家五口齊上齊落,老公正正係節目攝影師,但原來唔止咁簡單,Christy上載兩夫婦合照話:「喺我心目中,我老公係絕世好男人!年輕爸爸20歳出嚟教golf養大屋企三件老細,教咗10幾年波,從來未接觸過攝影,喺一年內學識揸機,剪片,拍咗7個潮什麼,有5個都係佢一手一腳拍攝,出trip時冇人幫,揸機,收音,燈光,航拍,影相,仲有揸車,夜晚入片,拍足一個月佢就踩足一個月,直頭係超人!」好多網友對佢半途出家都表示驚訝。

梁芷珮透露老公半途出家用一年時間學拍攝,係自己心目中嘅超人。(IG:@imchristyleung)

兩公婆拍住上,幾輯節目愈戰愈勇,早前終於開設佢地自己嘅辦公室,Christy將一切歸功老公:「喺香港,我9成嘅網上廣告,都係佢拍佢剪,對我來講,佢係一個好老公,好爸爸,喺我而家做緊嘅工作入面,根本冇咗佢係唔得,佢係一個專業嘅幕後工作人員,各位好好奇我老公係乜水嘅網友,喺到講清楚晒喇!唔好亂up喇!」

梁芷珮講明:「跟本冇咗佢係唔得,各位好好奇我老公係乜水嘅網友,喺到講清楚晒喇!唔好亂up喇!」(IG:@imchristyleung)

+24
+24
+24


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。