高海寧、陳煒、龔嘉欣、莊思敏、陳自瑤及鄭欣宜等 晚上出席節目《我愛香港》錄影，今日一眾主持人均以婚紗及中式裙掛示人，非常搞笑。以大妗姐造型登場的曾志偉被問到關淑怡凌晨愉景灣「跳海」一事，志偉透露好耐無見過對方，事件發生後亦未有問候對方：「今朝都收到好多朋友send新聞比我，我都未知發生咩事，但以我了解佢只係行出海。」他表示如果見到對方都會勸喻對方：「她是一個媽咪 ，仲有個仔要照顧。（有無睇校長嘅回應？）有呀，話佢渡海泳呀嘛。」

同場的高海寧(高ling)最近有報導指有殼王陳國強特別照顧，兼不再與TVB續約。而高ling昨日在Facebook發聲明澄清，她今日被問到事件則表示：「以前會覺得清者自清，但我現在覺得已經不能再這樣下去。我覺得依家社會唔同晒，唔係寫讀者會信。所以我要捍衛自己的基本的尊嚴，不排除有法律責任。(合約還有多久？)仲有一段時間。」至於會唔會趁機再搵男友保護一下？高ling笑言：「有好消息會告訴大家。」