張曦雯性感黑裙大曬43吋長腿 致命誘惑一小時吸3萬Like

撰文:
最後更新日期:

曾為模特兒的30歲無綫小花張曦雯(Kelly)身材高䠷靚女,單憑樣靚身材正就已經贏在起跑線上。她周一(31/8)在Instagram又派福利照,着了一條開衩開到上腰的黑色貼身性感長裙,前面兩塊長布剛好遮住兩個重要部位,大曬玲瓏有致的姣好身材,而長裙前後挖空,令美背同小蠻腰盡現。由於長裙超級性感,可以露的地方都盡露,所以Kelly自己都忍不住笑稱:「ridiculous dress... if we can even call it a dress(荒謬的裙子......如果可以稱之為裙的話)」而相片上載一小時便迅速勁吸逾2.8萬個讚好!

點擊下圖觀看Kelly條裙叉到幾高:

張曦雯原來曾經係小胖妹體重超過140磅 減肥原來只需要一招

Kelly接受《香港01》訪問時直言,之所以影這輯性感相是因為太得閒,想在十月尾開拍《白色強人2》之前嘗試不同造型;又因為之前做過模特兒,習慣了整Portfolio(作品集):「呢排好得閒,呢幾張相係我同我夾開嘅團隊影嘅Profile相,即係Update自己個Portfolio……我平時都好少直頭髮嘅。」

條裙咁性感,會否大膽着住出席活動?Kelly就笑言「冇可能」,更說:「我哋影嗰陣都講,呢條裙應該只可以影相,冇可能可以出Event嗰啲,因為真係兩塊布就咁遮住,就算冇風,就咁行路都行唔到嘅。」而攝製團隊當時大膽決定自由發揮,Kelly都慶幸最後效果非常好。

網民都勁讚Kelly長腿簡直是完美,她謙虛表示自己都要靠努力才保持到修長白滑美腿。保養方法是多做運動,再加上勤拉筋和按摩保持線條,以及要識搵角度:「因為我細個有做開運動,跑田徑呀、跳芭蕾舞、又游水呀,總之我個體格就係運動型。我對腳唔係最幼最瘦,都係有啲肌肉嘅。我平時就會着重拉筋,咁拉筋平時個Shape(外形)會修長啲。同埋會按下摩,按摩小腿,咁就冇咁容易水腫……平時食嘢少啲鹽,要影嘢就食得清啲,會冇咁腫。同埋影相角度都好重要,低炒嘅影相方法令大家覺得對腳好長,相信大家都可以做到嘅!」

點擊下圖觀看Kelly更多靚相:【多圖】張曦雯白色連身裙低調展性感 瞬吸3.5萬讚好

+38
+38
+38


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。